عابد للشيطان .. !!

 

عايز اشارك لمجد الرب إلهنا .. بإختبار شخص انخرط في احد اشكال عبادة الشيطان ..

هو دخل كتب لي وسط رسايل كتير .. لكني ادركت بالروح انه بيتعرض لكذب رهيب من الشياطين .. وبيحاصروه للإماتة ..

وقتها ما كونتش عارف ايه اللي بيحصل معاه .. لكني رديت عليه لا تصدق كذب الشياطين .. الرب طالب نفسك ..

فقالي انه ارتكب كفر .. و سجد للشيطان و كان ها يموت في نفس اليوم اللي كتبلي فيه بطريقة تعتبر بشعة ..

كانت الشياطين بتحاصره بأكاذيب وبخزي رهيب .. رغم انه اكد لي انه راح واعترف في كنيسته ..

و انا بنقرا كلامه .. اتمليت بإيمان رهيب كأن فرن نار اشتعلت جوايا .. و شوفته محاط بأنواع من الكائنات الشيطانية و المسيح جاي له بيجري مسرع جداً ..

انا ما شاركتهوش بالرؤيا لان ده ما كانش مهم وقتها .. لكني اكدت له ان المسيح مصمم انه لا يتركه ابداً .. و انه ها يطلب الرب والرب ها يحاصره .. والشيطان لن يمتلكه و لن يقدر ان يهلكه ..

و قولت له يصلي ازاي ويطلب غفران الرب ويلجأ للحق .. و يتابع معايا و لازم ها رد عليه فوراً .. و ده حصل ..

واشكر الرب بدأ يتابع في كنيسته ويصلي ..

وطلبت منه انه يكتب اختباره من اجل الكثيرين لكي يطلبوا الرب مثله ..

مهما كان فخ الشيطان و لو عبدته في جهالة .. مازال المسيح يطلب نفسك معه في حياة للابد ..

لا تسلم نفسك للشياطين .. انفصل عنهم اخرج من جروباتهم احرق كتبهم و كتاباتهم .. واطلب المسيح مخلص فتنجو للابد ..