🔥 ابطال الملكوت 🔥
إشعياء ٦٣ : ٧ 🙇🏻♂🔥 إِحْسَانَاتِ الرَّبِّ أَذْكُرُ، تَسَابِيحَ الرَّبِّ، حَسَبَ كُلِّ مَا كَافَأَنَا بِهِ الرَّبُّ خلال الوقت اللي سبق تجهيز ليلة الصلاة الثانية " لِيَأْتِ مَلَكُوتُكَ " .. بعد ليلة الصلاة الاول .. كفريق اخدنا عنوان الليلة .. و اتأكدنا ان ده توجه من الرب علشان ما نعملش ابداً حدث من افكارنا او مشاعرنا .. لكن بالروح .. كان قدامنا تحدي تكاليف الليلة .. لكننا صلينا وشرعنا بالايمان .. ان المرة دي ها ندخل الليلة و الرب يكون مسدد كافة تكاليفها وتجهيزاتها .. وفعلاً الرب أجاب ايماننا .. و بعت ماليات بطرق معجزية تدل بوضوح ان ايده بتمم امور الليلة .. بدأنا نصوم ونصلي كفريق و دول مش بس اللي في الصورة .. لا ده في ابطال كتير هما سبب الصورة .. اللي كانوا بيصلوا ليل نهار وبيشاركوا بالحق الكتابي وبيشرّعوا بسلطان نبوي على الليلة و اللي كانوا بيلفوا يشتروا احتياجات الليلة واللي جهزوا الجرافيك وظبطوا الڤيديوهات والصوتيات اللي شاركنا بيها من الليلة الاول .. الكل كان بيسأل على بعض وبيصلي لبعض لان الضرب والتعطيل علينا كان شديد .. ابطال الملكوت رغم اختلافات أعمارهم وطبيعة حياتهم وتحدياتهم .. ثبتوا للمرة الثانية امام وجه الرب .. والرب اكرمهم بحضوره ومجده .. 🙇🏻♂🔥💥 بدأنا بالايمان نشارك الامناء في محافظات تانية انهم يصلوا معانا بالتوازي .. والرب أعطاهم يمين شركة معانا في اليوم ووافقوا .. منهم اللي كتب انه ها يلتزم بالوقوف معانا قدام الرب رغم المسافة .. المنيا والقليوبية و بني سويف واسيوط وسوهاج والقاهرة و دمنهور وقنا .. وفي ابطال برة مصر شاركونا الصلاة من السودان و اقصى الغرب و فرنسا و ايطاليا وسوريا ولبنان والاردن .. وبدأوا كمان يشرعوا ويبعتوا كلمات الرب على الفريق والوقت والإسكندرية .. حقيقي وصلات مهولة بمحبة ونار الروح .. و الصفحة هنا والرسايل باقت فرن روحي و مش مجرد عالم افتراضي .. اما عن الليلة نفسها .. فإكتشفنا ان في ابطال كمان يقدروا يقطعوا مسافات جغرافية بالجسد ويجيوا يتحدوا معانا ونشوفهم و نتصافح ونحكي ونضحك ونصلي لأول مرة .. مجداً للرب هو إله عجيب .. ناس جات من المنيا و الشرقية والقاهرة .. و في اللي كان نازل مصر من دولة اجنبية كام يوم وضحى بيوم منهم وركب واتواصل معانا وجيه لأرض لا يعلمها و ووقف كتفه في كتفنا بيفيض بالرب .. ما فيش كلمات توصف شكرنا للرب من اجلكم انتم بالروح بتعبروا الزمن والمكان بتحدياتهم .. ولسة ها تشوفوا عجائب الرب ها يرد بمجده لكم .. 🙇🏻♂💥 الرب فاض علينا بمجد وفيض مهول .. الكل كان بيمتلىء بالروح وبيفرح وبيتهلل وبيشرّع و بيشوف رؤى و بينال شفاء و تأكيد لدعوته .. حتى وقت الشركة فاض بالحب كأننا كلنا نعرف بعض من سنين .. طريق مقدس ليس فيه عاثر .. ❤️ حقيقي لقد ابصرنا لمحة من مجد الرب وهو يصنع امة عظيمة ويثبت لنا ميراثه في ملكوته .. والرب كمان بعت دعم جوة الليلة بجزء من تكاليف الليلة اللي جاية .. ولسة الاتي اعظم .. صلواتكم من اجل ان الرب يثبت عمله ويمده .. و قريب تتشال حواجز كتير و الطريق المقدس يربط امم وشعوب بالروح ويمكن بالجسد .. نعم .. املك على الكل يا إلهنا للابد .. 🙇🏻♂🔥❤️
تعليقات
إرسال تعليق